Muriqi alternativë ideale e sulmuesve aktualë Kane e Son

  • 23 March 2020 - 14:07
Muriqi alternativë ideale e sulmuesve aktualë Kane e Son

Tottenhami po vazhdon të insistojë për sulmuesin kosovar, të cilin e sheh si opsion shtesë në fazën ofanzive

Tottenhami duket të jetë klubi më i interesuar për t’i siguruar shërbimet e Vedat Muriqit.

Klubi anglez po e vëzhgon qe një kohë të gjatë sulmuesin kosovar.

25 vjeçari po e kalon një sezon pozitiv me Fenerbahçen, por edhe me Përfaqësuesen e Kosovës, dhe kjo ka bërë që klubet e njohura evropiane t’ia vënë syrin atij.

Trajneri Jose Mourinho e pëlqen futbollistin prizrenas dhe e do atë në Londër nga sezoni i ardhshëm.

Në fakt, mediumi britanik “Daily Star” shkruan se trajneri portugez e sheh përfaqësuesin kosovar si një alternativë ideale të sulmuesve aktualë, Harry Kane dhe Son Heung-min.

Ai pëlqehet edhe nga klubet tjera angleze si Manchester United, Leicester City, Newcastle United, Burnley dhe Brighton.

Gjithashtu, në Itali e pëlqen Lazio.

Kartoni i Muriqit kushton 20 milionë euro dhe nënkampioni aktual evropian nuk do ta kishte të vështirë ta paguajë këtë shumë.

Muriqi i ka realizuar 12 gola dhe i ka dhuruar 4 asistime në 18 ndeshje në kampionatin turk këtë sezon.

(Kosova Sot Online)