Shtrihet në spital djali i ish-presidentit të Real Madridit që vdiq nga koronavirusi ditë më parë
Paco Sanz – djali i Lorenzo Sanz, ish-presidentit të Real Madridit që vdiq ditë më parë nga koronavirusi – është dërguar në spital për shkak të gjendjes së ligë shëndetësore pas infektimit me të njëjtin virus si i ati.
Djali i ish-presidentit të Real Madridit ishte ankuar për temperaturë të lartë për disa ditë dhe për simptoma të tjera të Covid-19, të cilat ia kanë përkeqësuar gjendjen dita ditës.
Paco i është nënshtruar procedurave të nevojshme në spital, ku është testuar edhe për koronavirus.
Babai i tij nuk mundi t’i mbijetojë koronavirusit dhe pas disa ditëve në spital, vdiq më 21 mars.
(Kosova Sot Online)