“Wembley” merr ngjyrat e flamurit italian
Pa përhapjen masive të koronavirusit, mbrëmjen e djeshme ne “Wembley” do të duhej të luhej ndeshja miqësore mes Anglisë dhe Italisë, por situate e krijuar bëri që të ndërpriteshin të gjithë aktivitetet sportive.
Megjithatë Federata Angleze e Futbollit ka dhënë një mesazh për t’u përshëndetur, pasi ka ngjyrosur stadiumin mitik “Wembley” me tringjyrëshin e flamurit Italian, ndërsa në ekranin gjigant u shpalos edhe një mesazh ku thuhej: “Jemi të ndarë, por jemi bashkë. Forca Itali”.
Mesazhi ka bërë xhiron e botës shumë shpejt, ndërsa edhe kreu i Federatës Italiane të Futbollit nuk ka ngurruar të falënderojë homologët e tij anglezë, duke u shprehur se futbolli e dha mesazhin e tij bashkues përsëri.
Italia është vendi më i prekur nga koronavirusi.
Deri më tani kanë ndërruar jetë mbi 9 mijë persona nga COVID-19, derisa janë infektuar mbi 80 mijë.
To all of our NHS & front-line staff working tirelessly through this challenging time, Wembley Stadium and its partners thank you.
— Wembley Stadium (@wembleystadium) March 19, 2020
Our arch will be lit up blue each night to shine a light on your efforts and show our appreciation during this unprecedented period.#NHSthankyou pic.twitter.com/Fa2dbJ6Ouv
(Kosova Sot Online)
