Tri klube angleze pas Jamesit

  • 01 prill 2020 - 15:27
Tri klube angleze pas Jamesit

Futbollisti kolumbian do të largohet nga Reali gjatë verës dhe mund të përfundojë në Premierligë.

Real Madridi po planifikon ta shesë James Rodriguezin me të përfunduar sezoni aktual.

E përditshmja spanjolle “Marca” shkruan se futbollisti kolumbian mund të përfundojë në Premierligë.

Interesim për mesfushorin ofanziv kanë shfaqur Arsenali, Evertoni dhe Wolverhamptoni.

Evertoni duket të jetë në avantazh për përfaqësuesin kolumbian.

Kjo pasi Të Kaltrit udhëhiqen nga trajneri Carlo Ancelotti, i cili kishte punuar me 28 vjeçarin në Madrid.

James e pati një eksperiencë në formë huazimi në Bayern Munich, por gjiganti bavarez nuk vendosi ta blinte atë.

Tash, ish-futbollisti i Portos dhe Monacos po e kërkon një ekip ku do të mund të luante në vazhdimësi.

(Kosova sot Online)