“Është i mundshëm rikthimi i Neymar, çmimet e futbollistëve do të bien”

Pas pandemisë, të gjithë presin që çmimet e futbollistëve të bien.

Kështu mendon edhe Emili Rousaud, njëri prej gjashtë menaxherëve që vendosi të jepte dorëheqjen javën e kaluar, pas mosmarrëveshjeve për mënyrën se si Josep Bartomeu po e udhëheq Barcelonën.

Ai madje tha se ka korrupsion në klub.

Sido që të jetë, sipas tij, të gjithë e duan rikthimin e Neymar, por duhet shikuar cila do të jetë mënyra më e lehtë dhe e mirë ekonomikisht për ta sjellë sërish në “Camp Nou”.

“Një rikthim i Neymar është i mundur, pasi tregu do të pësojë rënie dhe shumë ekipe do të kenë humbje të konsiderueshme ekonomike. Barça kërkon një rikthim të Neymar. Do të jetë e nevojshme të analizohet nëse ky operacion është i mundur duke vlerësuar edhe situatën financiare të klubit. Interesimi i Barçës për të është real. Që operacioni të behet më i lirë, unë do ta merrja atë me pagesa në disa pjesë”, tha ai për L’Equipe.

(Kosova Sot Online)