Sancho arrin marrëveshje me Manchester Unitedin, pas një muaji bisedimesh të fshehta
Manchester Unitedi beson se tani e ka në dorë superyllin anglez Jadon Sanchon, pasi thuhet se ka arritur marrëveshje personale me të.
Sipas The Sun, asi i Borussia Dortmundit është pajtuar për çdo detaj për të kaluar në Old Trafford dhe tani iu mbetet vetëm dy klubeve të bien në uji për transferimin e tij.
Edhe Chelsea e do 20-vjeçarin, por Sancho është i përkushtuar t’i bashkohet skuadrës së Ole Gunnar Solskjaer, tri vjet pasi u largua nga Manchester City.
Sipas Sun, Sancho është pajtuar me Unitedin për kontratën, pagën, bonuset dhe klauzolën e lartë, të cilat janë arritur pas bisedimeve të fshehta njëmujore.
Tani, i mbetet Unitedit të arrijë marrëveshje me Dortmundin për çmimin e lojtarit, i cili pritet të jetë rekord për një klub nga Britania e Madhe.
(Kosova Sot Online)