De Bruyne synon të bëhet asistuesi më i mirë në histori të Premierligës

De Bruyne synon të bëhet asistuesi më i mirë në histori të Premierligës… Henry është mbreti me 20 gjatë një sezoni.

Lufta për ‘mbretin’ e Premierligës, sa i përket asisteve, vazhdon.

Me 17 asiste deri më tani, Kevin De Bruyne është pesë para Trent Alexander-Arnold në garën për asistuesin më të mirë të sezonit në Premierligë.

Me 9 ndeshje të mbetura, De Bruyne tani do të synojë rekordin historik të Thierry Henry, vetëm Mesut Ozil deri më tani i është afruar francezit.

Në sezonin 2002/03, Henry me Arsenalin dhuroi 20 asiste, më së shumti gjatë një sezoni në histori të Premierligës.

Por, para se të mendojë për rekordin e Henry, De Bruyne duhet t’i kalojë; Frank Lampard, që me Chelsean më 2004/05 dhuroi 18 asiste, aq sa Cesc Fabregas 11 sezone më vonë me Arsenalin.

Ndërsa, në sezonin 2015/16, Mesut Ozil, iu afrua shumë Thierry Henrys, por nuk arriti të barazojë këtë rekord e as ta thyejë.

Ai e përfundoi sezonin me 19 asistime, një më pak se Henry.

Nëse Bruyne vazhdon me këtë ritëm së dhuruari asistime edhe pas rikthimit të sezonit, do ta thyejë rekordin. 

(Kosova Sot Online)