Bayern Munichu po vazhdon të shfaq interesim për Leroy Sanen

Hansi Flick e ka telefonuar yllin e Manchester Cityt, të cilin po mundohet ta bindë të zbarkojë në “Allianz Arena”

Bayern Munichu po vazhdon të shfaq interesim për Leroy Sanen.

Madje, së fundmi trajneri Hansi Flick e ka telefonuar edhe personalisht yllin e Manchester Cityt.

Trajneri i gjigantit bavarez ia ka bërë të ditur përfaqësuesit gjerman për interesimin e klubit nga “Allianz Arena” për të.

Sipas tabloidit gjerman “Bild”, Flick dhe Sane kanë diskutuar për 30 minuta rreth së ardhmes së futbollistit.

Kohëve të fundit po spekulohet vazhdimisht për një rikthim të mundshëm të Sanes në Gjermani.

Ai ishte afër transferimit në Bayern verën e kaluar, por një lëndim i rëndë shtyu gjithçka. 

(Kosova Sot Online)