Pedro: Kam marrë shumë oferta

  • 03 May 2020 - 14:48
Pedro: Kam marrë shumë oferta

Ndërsa pritet të kuptohet nëse dhe kur do të rinisin garat e futbollit, skuadrat tashmë kanë filluar të përgatiten për dritaren e ardhshme të merkatos.

Roma, skuadra italiane që kërkon të kthehet edhe më konkurruese sezonin e ardhshëm, i ka hedhur sytë nga Pedro Rodriguez, që është drejt përfundimit të kontratës me Chelsea-n.

Sulmuesi spanjoll duke parë që qershori po afron, po mendon seriozisht për të ardhmen.

“Më duhet të flas me klubin, kam një kontratë deri më 30 qershor,” – zbuloi ai në një intervistë dhënë për “El Larguero” të “Cadena SER.” – “Jam i hapur për të dëgjuar oferta të tjera”.

Ndërsa në lidhje me krizën e Koronavirusit, ish-sulmuesi i Barcelonës u shpreh:

“Kur sheh që shumë lojtarëve janë infektuar, si Pepe Reina, dhe që ju tregojnë se sa e keqe ishte … Ne duhet së pari të kemi prioritet shëndetin dhe të shohim se si mund të ecim përpara. Shpresojmë të jemi në gjendje t’i kthehemi normalitetit, ndonëse nuk e dimë se sa do të ndikojë pasi të kthehen garat”.


(Kosova Sot Online)