Shërohen Perisic dhe Lewandowski, gati për rinisjen e sezonit në Bundesliga
I huazuari nga Interi, Ivan Perisic, është rikuperuar nga dëmtimi dhe do të jetë i gatshëm kur Bayern Munich të rinisë sezonin kundër Union Berlin të dielën.
Kicker raporton se kroati është rikuperuar tashmë nga lëndimi në kyçin e këmbës dhe do të jetë i gatshëm për trajnerin Hansi Flick kur bavarezët të udhëtojnë në kryeqytet këtë vikend.
Bundesliga rinis këtë vikend dhe liderët e ligës do t’i kenë të gatshëm edhe Perisicin edhe Robert Lewandowskin, dy lojtarët që ishin jashtë kur futbolli u ndërpre për shkak të COVID-19.
Perisic ka punë të madhe para vetës, për t’i bindur edhe më shumë drejtuesit e klubit gjerman që ta ndalin dhe të paguajnë klauzolën e marrëveshjes, 20 milionë euro.
(Kosova Sot Online)