“Interi duhet ta mbajë Sanchezin”

  • 25 May 2020 - 16:27
“Interi duhet ta mbajë Sanchezin”

Sanchez ka nevojë për më shumë minuta për të treguar veten, sipas Ruben Sosa.

Interi duhet ta mbajë Alexis Sanchezin “edhe një vit”, thotë Ruben Sosa, që kërkon nga klubi italian ta mbajë në Milano.

Ai thotë se ish sulmuesi i Barcelonës dhe Arsenalit, klube në të cilat tregoi klasin që posedon, ka nevojë për më shumë minuta.

“Nuk i është dhënë kohë mjaftueshëm, ai s’mund të luajë kaq pak, ka nevojë të qëndrojë në fushë për disa ndeshje nga 90 minuta. Ka nevojë për minuta që të kthehet në lojtarin që ishte”, u shpreh ish lojtari i Interit.

“Do ta mbaja Sanchezin edhe një vit në Inter. Ai është golashënues, fizikisht është shumë mirë dhe ende ka për të dhënë. Është lojtar që shënon shumë gola dhe do të vazhdojë ta bëjë”.


(Kosova Sot Online)