“Dëshira ime është që t’i jap fund karrierës në Madrid”

  • 05 qershor 2020 - 16:47
 “Dëshira ime është që t’i jap fund karrierës në Madrid”

Kroos e ka të qartë, nuk dëshiron të largohet nga Real Madridi.

Ka mjaftuar një ndeshje e madhe mos aktivizimi, në Ligën e Kampionëve kundër Manchester City, që të nisin spekulimet për një largim të mundshëm të Toni Kroos nga Real Madridi.

Këto spekulime u rritën edhe më shumë, kur pas ndeshjes, Kroos dhe Pep Guardiola diskutuan në “Santiago Bernabeu” për disa minuta.

Megjithatë, edhe njëherë, Kroos ka përsëritur se dëshira e madhe e tij është që t’i varë atletet në “Santiago Bernabeu”.

“Në botën e futbollit tri vite janë shumë të gjata dhe unë synoj të përmbushi kontratën. Atëherë do të jem 33 vjeçar dhe do t’i shikoj gjitha opsionet; të qëndroj, të bëj diçka tjetër apo t’i jap fund karrierës. Natyrisht, dëshira ime është që ta përfundoj karrierën në Real”, deklaroi Kroos për AS.

(Kosova Sot Online)