IPKO Superliga: Tri ditë rresht nga dy ndeshje
Xhiroja e 24-t e IPKO Superligës do të luhet nga e premtja deri të dielën që vjen me nga dy ndeshje në ditë, priten përballje mjaft interesante
IPKO Superliga e Kosovës do të rikthehet në aksion të premten me ndeshjet e xhiros së 24-t.
Në bazë të orarit, gjatë tri ditëve, të premten, të shtunën dhe të dielën do të luhen nga dy ndeshje.
Liderja e re, Drita do të ketë udhëtim të vështirë, pasi e pret Trepça ’89 në Mitrovicë.
E udhëtim aspak më të lehtë s’ka as Ballkani, i cili do të jetë mysafir i Flamurtarit në kryeqytet.
Për dallim prej Dritës e Ballkanit, punë më të lehtë pritet të kenë Prishtina e Gjilani, të cilat janë mysafire të Vushtrrisë, respektivisht Ferizajt.
Në fitore llogarit edhe Feronikeli në formë, i cili do ta vizitojë Dukagjinin e dorëzuar.
Ndërkaq, Gjilani e viziton Ferizajn dhe do t’i kërkojë të tria pikët, në tentim që të qëndrojë në hap me kryesuesit e tabelës.
Të gjitha ndeshjet e xhiros së 24-t do të fillojnë në orën 17:00. /Gazeta Express/
IPKO Superliga – Java e 24-t
E premte
Dukagjini – Feronikeli (17:00)
Flamurtari – Ballkani (17:00)
E shtunë
Vushtrria – Prishtina (17:00)
Llapi – Drenica (17:00)
E diel
Trepça ‘89 – Drita (17:00)
Ferizaj – Gjilani (17:00)
(Kosova Sot Online)