Setien nuk pajtohet me Piquen: “Reali s’do të fitojë gjithçka”

Trajneri i Barcelonës, Quique Setien, nuk pajtohet me Gerard Pique dhe beson se Real Madridi do të lëshojë pikë në La Liga.

Ekipi i Setien u ndal 0-0 nga Sevilla të premten mbrëma, duke i dhënë shansin Real Madridit që t’i bashkohet atyre në krye me 65 pikë, nëse fitojnë në udhëtim te Real Sociedad.

Pique tha pas takimit se vështirë që Reali do të humbasë pikë në ndeshjet e mbetura dhe se Barça është inferiore ndaj ekipit të Zinedine Zidane, për diçka që nuk pajtohet Setien.

“Mendoj se ajo çfarë tha Pique është frustrim i momentit. Në fillim patëm 30 minuta shumë të mirë por më pas u bë rrëmujë”, tha ai për AS.

“Në pjesën e dytë humbëm shumë topa dhe u dhamë atyre jetë”.

“Nesër ai (Pique) sigurisht se do të mendojë ndryshe sepse jam i sigurt se Madridi nuk do t’i fitojë të gjitha ndeshjet”.

(Kosova Sot Online )