Shkodran Mustafi mendon për rikthimin në Bundesligë pas më shumë se 10 vitesh

  • S.A /
  • 25 qershor 2020 - 09:24
Shkodran Mustafi mendon për rikthimin në Bundesligë pas më shumë se 10 vitesh

Shkodran Mustafi ka lënë të kuptohet se ai mund largohet nga Arsenali dhe po mendon për një rikthim në Gjermani.

Mbrojtësi shqiptar, tani 28 vjeç, iu bashkua Gunners për 34.85 milionë funte nga Valencia në vitin 2016.

Por mungesa e formës dhe qëndrueshmërisë, ka bërë që tifozët shumë shpesh të kenë kritika ndaj tij dhe shitja e tij shihet tashmë në horizont.

Ka qenë vetë Mustafi që sugjeroi se një transferim në Gjermani mund të ishte mundësi në këtë verë.

“Është e vështirë të parashikosh se si do të zhvillohet faza e transferimit në situatën aktuale”.

“(Bundesliga është) gjithmonë interesante. Sportivisht, ajo ka pësuar një zhvillim të madh. Përveç kësaj, është shtëpia ime”.

“Shumë janë të mahnitur me nivelin atje. Në Angli, ishin shumë të befasuar se sa mirë Bundesliga arriti të rikthehej. Liga Premier sigurisht e ka marrë këtë si një shembull”, ka thënë Mustafi për BILD.

(Kosova Sot Online )