“Arthur? Nuk është lojtari as i parë dhe as i fundit që nuk bind”
Quique Setién ka folur për tema të ndryshme në konferencë para ndeshjes Celta Vigo-Barcelona.
Ai nuk ka mundur t’i ikë pyetjeve për shkëmbimin e mundshëm të Arthur Melo me Miralem Pjanic.
Tani për tani, Setien refuzon të tregojë diçka.
“Mua klubi nuk më ka komunikuar asgjë për largimin e Arthur”, tha ai.
Më pas ai u pyet se si është e mundur që një lojtar që konsiderohej pasardhësi i Xavi Hernandez të largohet nga Barcelona.
“Nuk është lojtari i parë që nënshkruan për një klub të madh dhe nga i cili pritet shumë dhe në fund nuk funksionon”, shtoi ai.
Duket se nuk i pëlqen shumë stili i lojës së brazilianit.
“Është e vështirë për t’i ndryshuar gjërat që trajnerët tjerë i kanë thënë se janë mirë”.
(Kosova Sot Online)