Ish-trajneri i Real Madridit pozitiv me koronavirus

  • A.P /
  • 05 korrik 2020 - 15:05
Ish-trajneri i Real Madridit pozitiv me koronavirus

Ish-trajneri i Real Madridit, Vanderlei Luxemburgo, ka njoftuar se ka dalë pozitiv në testin për koronavirus.

Braziliani, i cili është trajner i Palmeiras momentalisht, ka treguar përmes një postimi në rrjetet sociale se nuk ka simptoma dhe se është futur në karantinë.

“Kam dalë pozitiv dhe tani jam në karantinë në shtëpi”, shkroi ai në Twitter.

“Jam i qetë dhe nuk kam dhimbje. Për mua po kujdesen doktorët e Palmeiras”, tha ish-trajneri i Real Madridit, Brazilit dhe shumë skuadrave të tjera. 

(Kosova Sot Online)