Zbulohen dy ish-futbollistë që i ngjasojnë Messit e Ronaldos, tifozët thonë se ata udhëtuan në kohë

Aftësitë e Lionel Messit dhe Cristiano Ronaldos në fushën e lojës janë të shumta, mirëpo a është edhe udhëtimi në kohë njëra ndër aftësitë e kësaj dysheje të futbollit?

Këtë pyetje po e shtrojnë shumë tifozë të futbollit në rrjete sociale pasi u gjetën fotografi të dy ish-futbollistëve , të cilët u ngjasojnë në pamje Lionel Messit dhe Cristiano Ronaldos.

Messi po krahasohet me një ish-futbollist të Athletic Bilbaos, Javier Clemente, fotografia e të cilit u bë në vitin 1969. Ai më vonë kishte qenë edhe trajner i Athleticos, ndërsa i kishte fituar dy tituj të La Ligës gjatë karrierës.

Ndërsa Ronaldo po krahasohet me ish-futbollistin serb, Dragoslav Sekularac, i cili i kishte shënuar mbi 100 gola për Crvena Zvezdan, ndërsa kishte luajtur edhe në Gjermani, Francë, SHBA dhe Kanada.

Nipi i Sekularac tani luan për ekipin U17 të Juventusit dhe e mban fanellën numër shtatë. 

(Kosova Sot Online)