UEFA vendos për stadiumet ku do të luhen sfidat e kthimit të 1/8 në Champions dhe Europa League!

  • A.P /
  • 10 korrik 2020 - 11:46
UEFA vendos për stadiumet ku do të luhen sfidat e kthimit të 1/8 në Champions dhe Europa League!

Tashmë është zyrtare. Komiteti Ekzekutiv i UEFA-s i mbledhur të enjten kanë vendosur që sfidat e kthimit të raundit të 1/8-ave të Champions League dhe Europa League të luhen në stadiumet përkatëse dhe jo në fushë asnjanëse siç u mendua fillimisht.

UEFA nuk ka dashur të favorizojë skuadrat udhëtuese dhe për këtë arsye ka vendosur që sfidat e kthimit të këtij ruandi të luhen në stadiumet ku ishin në program para pandemisë.

Bayern pret ekipin e Chelsea në “Allianz Arena”, pasi e ka fituar sfidën e parë 0-3.

Juventusi pret Lyonin në Torino, pas ndeshjes së parë të mbyllur 1-0 në favor të francezëve.

City ka fituar 1-2 në Madrid dhe do të presë Realin në Mançester, ndërsa Barcelona pret në “Camp Nou” Napolin pas barazimit 1-1 në ndeshjen e parë.

Ndërsa në Europa League, do të luhen: Shakhtar-Wolfsburg (2-1), Leverkusen-Rangers (3-1), Wolves-Olympiacos (1-1), Manchester United-LASK (5-0), Basel-Frankfurt (3-0), Copenhagen-Basaksehir (0-1).

Getafe-Inter dhe Roma-Sevilla, për shkak se nuk është luajtur asnjë ndeshje, mund të luhen me ndeshje teke në Gjermani, në 2 prej 4 stadiumeve të përzgjedhura nga UEFA për fazën finale të këtij kompeticioni.

(Kosova Sot Online)