Man Utd – Pogba, gati kontrata pesëvjeçare

Mesfushori francez pritet të qëndrojë gjatë në “Old Trafford”, duke iu dhënë fund spekulimeve

Paul Pogba është afër arritjes së marrëveshjes së re pesëvjeçare me Manchester Unitedin.

Lajmin e ka bërë të ditur mediumi britanik “The Sun”, përcjell “Gazeta Express”.

Kampioni i botës me Francën ishte afër largimit nga “Old Trafford” verën e kaluar dhe destinacioni i tij i mundshëm ishte Madridi.

Por, spekulimet janë zbehur kohëve të fundit dhe tash flitet se ish-futbollisti i Juventusit do ta vazhdojë eksperiencën në “Teatrin e Ëndrrave”.

Natyrisht, rroga e mesfushorit kreativ do të rritet dhe United do ta ketë në dispozicion liderin e tij për një kohë të gjatë.