Lexoni edhe:
Parashikimi i zymtë i OBSH-së për koronavirusin
James ia siguron LA Lakers finalen e parë në NBA në 10 vjetët e fundit
Los Angeles Lakers është skuadra e parë finaliste në NBA, pasi ia doli të fitojë edhe ndeshjen e pestë përballë Denver Nuggets, duke u kualifikuar me rezultatin e përgjithshëm 4-1.
Në “AdventHealth Arena” të Orlandos, skuadra kaliforniane zhvilloi një sfidë mjaft të mirë, e udhëhequr nga një LeBron James në formë të jashtëzakonshme, ndërsa Denver u përpoq të rihapë llogaritë por më kot.
Takimi nisi më mirë për Los Angeles, që fitoi fraksionin e parë me tre pikë diferencë, ndërsa në të dytin e çoi në 10 pikë shkëputjen nga Denver.
Këta të fundit reaguan mirë në fraksionin e tretë dhe rikuperuan 7 pikë, por Lakers u shfaqën dominues edhe në pjesën e fundit, duke fituar me meritë gjithë takimin me shifrat 117-107.
LeBron James ishte protagonist i padiskutueshëm i i Lakers dhe më i miri i ndeshjes, pasi shënoi 38 pikë, rikuperoi 16 topa dhe dha 10 asiste, ndërsa paraqitje të mirë bëri edhe Anthony Davies me 25 pikë, 5 rikuperime dhe 3 asiste.
(Kosova Sot Online)
