La Liga e përgatitet edhe për largimin e Messit

  • S.A /
  • 18 nëntor 2020 - 09:06
La Liga e përgatitet edhe  për largimin e Messit

La Liga e përgatitur për largimin e Messit – thotë shefi i ligës spanjolle

La Liga është e përgatitur për largimin e Lionel Messit nga Barcelona, sipas presidentit të ligës elitare spanjolle, Javier Tebas.

Shefi i ligës elitare spanjolle thotë se La Liga ia doli ta përballojë largimin e Cristiano Ronaldos dhe Neymarit pa kurrfarë problemi dhe nuk beson se largimi i mundshëm i Messit do të kishte ndikimin më të madh.

Megjithatë, ai përsëri e kritikoi Manchester Cityn për praktika të pandershme financiare, klubin e Premierligës për të cilin është përfolur më së shumti se do ta transferojë Messin nga Barça.

“Ne do të donim që Messi të qëndrojë në La Liga, por Ronaldo dhe Neymar u larguan dhe ne nuk kemi vërejtur ndonjë dallim. Jemi të gatshëm”, tha Tebas.

“Duket që i vetmi klub në Premierligë i cili flet për transferimin e Messit është Manchester City, i cili garon jashtë rregullave. Nuk jam i vetmi që e them këtë”, shtoi ai.

“E kam kritikuar shumë herë atë që e bëjnë ata. City nuk është prekur nga Covid apo pandemitë apo ndonjë gjë tjetër, sepse financohet ndryshe dhe është e pamundur ta luftosh”, theksoi ai.

(Kosova Sot Online )