Renditja e xhudisteve kosovare, Distria Krasniqi e para në botë

Renditja e xhudisteve kosovare, Distria Krasniqi e para në botë.Distria Krasniqi arriti të fitonte medaljen e artë në konkurrencën deri në 48 kilogramë në Mastersin e Dohas. Kjo i siguroi asaj 1800 pikë olimpike, të cilat i ndihmuan për rangim më të mirë para Lojërave Olimpike që do të mbahen këtë verë.

Lexoni edhe:

Messi mungon në stërvitje, paraqitja e tij në finale mbetet ende enigmë

Në webfaqen e Federatës Botërore të xhudos, Distria është e para në botë në kategorinë e saj deri në 48 kilogramë. Majlinda Kelmendi e cila e fitoi medaljen e bronztë në Mastersin e Dohas është e pesta në renditjen e përgjithshme, në kategorinë deri në 52 kilogramë. Me medaljen e bronztë të fituar në Katar, Majlinda u ngjit për një pozicion, ndërsa kishte kohë që nuk merrte pjesë në gara për shkak të lëndimit. Nora Gjakova renditet e katërta në botë në kategorinë deri në 57 kilogramë. Gjakova fitoi medaljen e bronztë në Mastersin e Dohas, çka i siguroi asaj një pozicion më lartë në renditjen e përgjithshme.Edhe Loriana Kuka renditet lartë në kategorinë e saj deri në 78 kilogramë. Ajo është e pesta në botë, kurse medalja e bronztë e fituar në Mastersin e Dohas i ndihmoi asaj të rritej për shtatë pozicione.

1 / 4

2 / 4

3 / 4

4 / 4

(Kosova Sot Online )