Woodward konfirmon largimin nga Man United

  • A.P /
  • 20 prill 2021 - 23:14
Woodward konfirmon largimin nga Man United

Ed Woodward nuk do të jetë më pjesë e Manchester Unitedit nga fundi i sezonit 2020/21.

Ed Woodward ka dhënë dorëheqjen si nënkryetar ekzekutiv i Manchester United.

Ai do të largohet nga detyra aktuale pasi të mbarojë sezoni.

“Isha ekstremisht krenar t’i shërbej United. Jam krenar qe kam punuar për 16 vjet për klubin më të madh në botë. Klubi ka të ardhme të mirë dhe për mua do të jetë e vështirë të përshëndetem në fund të vitit”, tha ai.

Lajmi për dorëheqjen e tij vjen në një mbrëmje të tensionuar sa i përket Superligës Evropiane, pasi që disa nga klubet themeluese kanë vendosur të tërhiqen.

Woodward u bë shef ekzekutiv i Manchester Unitedit në vitin 2013 duke zënë vendin e David Gill dhe do të mbahet mend për epokën e pasuksesshme post-Sir Alex Ferguson, kur kishte pasur mosmarrëveshje me trajnerë, si David Moyes, Louis van Gaal e Jose Mourinho.

(Kosova Sot Online)