Interi kampion i ri i Italisë, i jep fund mbizotërimit 9-vjeçar të Juventusit
Inter është shpallur kampion i Italisë për herë të 19-të në historinë e klubit, duke i dhënë fund një mbizotërimi të gjatë nëntëvjeçar të Juventusit.
Interi i Antonio Contes e fitoi titullin në sezonin 2020/21 edhe matematikisht, pas barazimit të Atalantës 1:1 me Sassuolon të dielën.
Interi e mundi 2:0 Crotonen të shtunën, i vetëdijshëm se dështimi i Atalantës për ta mundur Sassuolon të nesërmen do ta zyrtarizonte kampion të Italisë, katër ndeshje para përfundimit të sezonit.
Prandaj, edhe lojtarët zikaltër e nisën festën qysh të shtunën në mbrëmje dhe do ta vazhdojnë edhe sot kur janë zyrtarisht kampion të Italisë për herë të 19-të në historinë e klubit.
(Kosova Sot Online)