“Kampion, kampion”, thirrjet e lojtarëve të Barcelonës në shtëpinë e Messit
“Kampion, kampion”, thirrjet e lojtarëve të Barcelonës në shtëpinë e Messit
Lionel Messi ka shtruar drekë në shtëpinë e tij për gjithë ekipin e Barcelonës, raporton gazeta spanjolle, Sport.
Kjo ndodhi për ta festuar fitoren e mbrëmshme ndaj Valencias dhe për t’u përgatitur për pjesën e fundit të kampionatit, teksa në fundjavë e presin Atletico Madridin.
Mediat që po qëndrojnë afër shtëpisë së Argjentinasit kanë kapur momentin kur janë dëgjuar thirrje “Kampion, Kampion”.
Skuadra katalonase është më e bashkuar se kurrë dhe po kërkon ta fitojë titullin e La Ligas, kur kanë mbetur edhe katër xhiro deri në fund.
Barcelona duhet t’i fitojë të gjitha ndeshjet dhe të shpresojë në gabimin e Real Madridit për t’u shpallur kampion i La Ligas.
(Kosova Sot Online)