Mourinho e kërkon Ramosin në Romë
Jose Mourinho thuhet se ka biseduar me Sergio Ramosin dhe Roma po konsideron të bëjë një lëvizje për qendërmbrojtësin Spanjoll.
35-vjeçari u largua nga Real Madrid pas 16 vitesh dhe ka qenë i lidhur me gjysmën e klubeve të Evropës deri më tani, përfshirë Milanin në Serie A.
Roma, sipas Calciomercatos, po mendon gjithashtu se si ta joshë veteranin në Olimpico.
Ish-trajneri i tij Mourinho është duke marrë detyrën në kryeqytetin italian këtë verë dhe të dy folën në telefon pasi mbrojtësi i Merengues kishte konfirmuar se ai do të ndryshojë ambient.
Ish mbrojtësi i Sevillas ka fituar Kupën e Botës dhe dy Kampionate Evropiane me Spanjën, por nuk u zgjodh për Euro 2020 dhe më pas kontrata e tij me Madridin nuk u rinovua në Santiago Bernabeu.
Raporti pretendon se ishte një bisedë midis miqve në një ditë të vështirë për ish-kapitenin, por gjithashtu një mundësi për të folur për të ardhmen.
Mourinho shpreson të bindë ish-futbollistin e tij për të lëvizur në kryeqytetin italian, por pengesa e parë për Romën do të ishte paga e lartë që e kërkon Ramosi.
Ramos e ka fituar garën katër herë Ligën e Kampionëve, si dhe pesë tituj në La Liga dhe dy Copa del Rey gjatë kohës së tij me Los Blancos.
(Kosova Sot Online)
