Lexoni edhe:
E kryer, Atletico Madrid fiton garën për Rodrigo de Paul
Low duhet të pensionohet dhe të bëhet analist i futbollit në TV – thotë Hitzfeld
Joachim Low duhet të heqë dorë nga puna e trajnerit dhe të bëhet analist i futbollit në televizion, pasi u largua nga posti i trajnerit të Gjermanisë, sipas Ottmar Hitzfeld.
Low e udhëhoqi për herë të fundit ekipin kombëtar gjerman javën e kaluar, kur ekipi i tij pësoi disfatë 2:0 kundër Anglisë në 1/8 e finales në Kampionatin Evropian 2020.
Ish-trajneri i Stuttgartit dhe Fenerbahces i kaloi 15 vjet në krye të ekipit kombëtar të Gjermanisë dhe përflitet tashmë se ka klube të interesuara për të.
Por ish-trajneri i Bayern Munich dhe Zvicrës, Hitzfeld beson se 61-vjeçari do të haste në vështirësi nëse do t’i kthehej punës si trajner i ndonjë klub, prandaj e ka këshilluar të punësohet si analist futbolli.
“Nuk e di nëse për të do të ishte mirë të përjetonte përsëri stres me rreth 60 ndeshje në vit, ka shumë stres”, tha Hitzfeld për Sportbuzzer.
“Spanja, Italia, Anglia, Franca, nuk i përshtaten. Analist në TV është puna që unë e këshilloj atë ta bëjë”, shtoi ai.
(Kosova Sot Online )
