Liverpooli e do yllin danez të Sampdorias

  • S.A /
  • 30 August 2021 - 14:51
Liverpooli e do yllin danez të Sampdorias

Skuadra e Liverpool ka nisur bisedimet për të sjellë në orët e fundit të merkatos në “Anfield” mesfushorin 21-vjeçar danez Mikkel Damsgaard, që luan në Serinë A me Sampdoria.

Lajmin e konfirmoi sot “BBC”, që tha se marrëveshja mund të arrihet para afatit të mbylljes së transferimeve (31 gushti).

Damsgaard u konsiderua si talenti i Euro 2020 me kombëtaren e tij, ku realizoi dy gola. Lojtari kushto rreth 30 milionë euro, shumë që kërkon skuadra e Sampdoria për ta lënë të lirë.

Problem për Liverpool është konkurrenca e madhe për lojtarin, pasi në Premier League e duan edhe Leeds e Aston Villa.

Gjithsesi, Liverpool duket skuadra e vetme e gatshme të investojë 30 milionë euro për lojtarin, “Reds” janë në kërkim të një mesfushori me tipare sulmuese, ndërkohë që këtë verë kanë lëvizur shumë pak në merkato.

(Kosova Sot Online )