Lexoni edhe:
Ronaldinho e rikthen magjinë e futbollit, shijojeni atë
Tuchel i ashpër me Rudigerin: Me të i kemi pësuar 7 gola nga Brendfordi e Reali
Chelsea e pësoi një humbje tjetër të rëndë mbrëmë pasi u mposht nga Arsenali me rezultat 2:4.
Kjo ishte humbja e tretë radhazi në shtëpi për “Blues” në të gjitha garat.
Një gjë e tillë nuk i kishte ndodhur klubit londinez që nga viti 1993.
Në duel me “Gunners” nuk u paraqit Antonio Rudiger.
Dhe, i pyetur se përse nuk e inkuadroi qendërmbrojtësin, trajneri gjerman u përgjigj:
“I kemi marrë shtatë gola me Tony kundër Brentfordit dhe Real Madridit. Nuk është çështje individësh, është një problem i mbrojtjes dhe i skuadrës. Edhe problemet në sulm janë probleme të skuadrës”, deklaroi Tuchel.
Rudiger kishte rënie të formës në ndeshjet e fundit.
Ai po i kalon muajt e fundit të kontratës me kampionin aktual evropian dhe kjo mund të ketë ndikuar në rënien e përqendrimit të tij pasi qysh tash po mendon për klubin e ardhshëm.
Ndërkohë, ish-trajneri i PSG-së foli edhe për fjalosjen ndërmjet një tifozi të “Blues” dhe kapitenit Cesar Azpilicueta pas përfundimit të lojës.
“Nuk e di, nuk isha prezent. Kam parë gjithçka dhe të jem i sinqertë, e kuptoj tifozin”, përfundoi Tuchel.
(Kosova Sot Online)
