Haaland është zgjedhur golashënuesi më i mirë i Premierligës

  • A.P /
  • 29 May 2023 - 15:22
Haaland është zgjedhur golashënuesi më i mirë i Premierligës

Erling Haaland është zgjedhur golashënuesi më i mirë i Premierligës, ndërsa kështu e fiton edhe Këpucën e Artë të Evropës.

Sulmuesi norvegjez ka impresionuar në sezonin e parë me Manchester Cityn, duke qenë i papërmbajtshëm dhe i pandalshëm për kundërshtarët.

Ish-futbollisti i Salzburgut dhe i Borussia Dortmundit i ka realizuar 36 gola sezonalë, një rekord absolut, ndërsa i dyti përfundoi Harry Kane i Tottenhamit me gjashtë gola më pak, shkruan “Gazeta Express”.

22 vjeçari, krahas titullit të golashënuesit më të mirë të vitit, u zgjodh edhe Lojtari më i mirë i Sezonit në Premierligë.

Natyrisht, sulmuesi shtatlartë nuk do të mundë ta arrinte këtë pa ndihmën e bashkëlojtarëve.

Mbi të gjitha, pa Kevin de Bruynen, i cili u zgjodh Asistuesi më i mirë i sezonit në Angli.

Mesfushori ofanziv belg i ka bërë 16 asistime në kampionat dhe këtë e arriti për herë të katërt që kur e vesh fanellën e Cityt dhe askush nuk e ka bërë një gjë të tillë në histori të ligës elitare angleze. 

(Kosova Sot Online)