Fajtore drejtësia që është mbyllur rruga e integrimeve evropiane (Foto/Video)
Të anketuari e “Kosova Sot” thonë se fajtorë janë personat që punojnë në sistemin e drejtësisë pasi ata po bëjnë shumë pak në luftimin e krimit dhe korrupsionit duke na lënë tërësisht të izoluar.
Mustafë Hyseni thotë se njëri nga segmentet që më së shumti pati gabime është drejtësia. “Ndaj e kemi këtë situatë dhe mbetëm të izoluar. Për mosfunkcionimin e drejtësis që na izoloi fajtore është politika”, është shprehur ai.
Ismajl Hamiti shprehet se njëri nga fajtorët kryesorë është mosfunksionimi i drejtësisë që na izoloi nga lëvizja e lirë dhe integrimet evropiane. “Korrupsioni dhe krimi janë konstant dhe nuk luftohen nga drejtësia” .
Adil Sopi thotë se sistemi nuk është fajtor se është i mirë, fajtorë janë njerëzit që udhëheqin me sistemin e drejtësisë. “Ata po bllokojnë rrugën tonë për në BE dhe mëkat që janë në krye të sistemit të drejtësisë”.
Azem Bajraktari shprehet se po të kishte funksionim drejtësie si e kërkon nga ne BE-ja edhe Kosova do të lëvizte lirshëm dhe do të gjenim punë në Perëndim. “Izolimi është pasojë e mosfunksionimit të drejtësisë”
(Kosova Sot)