Po e shihnin motorin e aeroplanit duke marrë flakë nga dritarja, pasagjerët u dërgojnë SMS-a lamtumirës familjarëve

  • 13 shtator 2019 - 10:17
Po e shihnin motorin e aeroplanit duke marrë flakë nga dritarja, pasagjerët u dërgojnë SMS-a lamtumirës familjarëve

Problemet gjatë fluturimit janë frika më e madhe e atyre që zgjedhin të udhëtojnë me avion. Dhe, kur ato ndodhin atëherë gjithçka që i je trembur bëhet realitet.

Motori e një avioni që ishte nisur nga Edmonton në Kanada mori flakë gjatë fluturimit duke frikësuar jo pak pasagjerët.

Pas këtij problemi, avioni bëri ulje emergjente në Aeroportin Ndërkombëtar të Abbotsford-it.

Gjithsesi, pasagjerët që ndodheshin në bord nuk mundën ta shmangnin panikun kur panë flakët. Ata nisën të dërgonin mesazhe lamtumire tek të afërmit e tyre, në rast se gjërat përfundonin për keq.

Pas incidentit, zyrtarët e aeroportit njoftuan se motori mori flakë pasi një tufë patash kishin mbetur brenda.

(Kosova Sot Online)