Blen dhe zhvendos ndërtesën për t’ia dhuruar prindërve

11 November 2019 - 13:48

Një ndërtesë e vitit 1764 u zhvendos nga vendndodhja e saj origjinale dhe u transportua nga deti për rreth 80 km. Ngjarja ndodhi në Maryland (Shtetet e Bashkuara).

Në ditët e sotme është bërë shumë e zakonshme për ata që duan të ndërrojnë shtëpi që të marrin një mal me kuti dhe të sistemojnë gjërat e tyre në to. Po a e keni menduar të zhvendoseni bashkë me muret e shtëpisë?

Dhe në këtë situatë kjo shtëpi që shfaqet edhe në video është zhvendosur nga deti nga një qytet për në një qytet tjetër.

Kjo ndërtesë e vitit 1764 ishte fjalë për fjalë "e çrrënjosur" nga vendndodhja e saj origjinale dhe u transportua nga deti në një barakë në Queenstown, pas një udhëtimi prej rreth 80 km.

Pronari i shtëpisë, Christian Neeley, e bleu ndërtesën për 500,000 dollarë dhe synon ta rinovojë atë për t'ua dhuruar prindërve të tij.