5 orë të bllokuar në avion, pasagjerët tentojnë të hapin me forcë derën e emergjencës
Pasagjerët e një avioni tentuan të hapnin me dhunë derën e emergjencës dhe kërcënuan se do të futeshin në kabinën e pilotëve, pasi qëndruan të bllokuar për 5 orë brenda në avion për shkak të “problemeve teknike” në aeroportin e Delhit.
Në videot e publikuara në rrjetet sociale, pasagjerët i thërrasin kapitenit me zë të lartë të hapë dyert ose do t’i thyejnë ato.
Në një tjetër video, një grua tenton të hapë derën e urgjencës me një “levë”. Ajo u largua nga ekuipazhi i avionit, të cilët më pas hapën dyert.
Pasagjerët zbritën nga avioni pas 5 orëve dhe më pas u larguan në drejtim të Mumbait me një tjetër avion.
Kompania “Air India” konfirmoi se ka nisur një hetim mbi incidentin, megjithëse askush nuk është i akuzuar deri tani.
"If you dont open the door I will break the door". Amazing. Such passengers should be put on no fly list by @DGCAIndia immediately. @airindiain Delhi-Mumbai flight on Boeing 747 returned to bay day before after a snag. Captain wont fly an unsafe plane, passengers must understand! pic.twitter.com/2AHf9IbirC
— Tarun Shukla (@shukla_tarun) January 4, 2020
(Kosova Sot Online)