Shkencëtarët pretendojnë se piku i krizës së koronavirusit në Gjermani pritet të ndodhë në qershor, mund të infektohen deri në 1.3 milion njerëz

  • 31 March 2020 - 13:32
Shkencëtarët pretendojnë se piku i krizës së koronavirusit në Gjermani pritet të ndodhë në qershor, mund të infektohen deri në 1.3 milion njerëz

Piku i infektimit me coronavirus në Gjermani mund të pritet të ndodhë në qershor.

Kështu pretendojnë shkencëtarët e Universitetit Johanes Gutenberg në Majnc dhe Universitetin e Hamburgut.

Gjatë pikut të krizës së coronavirusit do të mund të infektohen deri në 1.3 milion njerëz, pretendojnë shkencëtarët.

E sa i përket fundit të epidemisë në Gjermani, ata janë të bindur se do të marrë fund në gusht.

Ministrat e Punëve të Brendshme të shteteve federale dhe krahinave, gjatë një video konference të zhvilluar, kanë deklaruar se kufizimi i lëvizjes dhe kontakti duhet të mbeten në fuqi.

Siç bëri të ditur qeveria e krahinës Tiringisë, këto masa duhet të zbatohen në mënyrë konsekuente.

Kryesuesi në konferencën e ministria të Punëve të Brendshme, ministri i Brendshëm i Tiringisë, Georg Mayer, ka thënë se masat e ndërmarra pritet të japin rezultat.

(Kosova Sot Online)