Hap qesen me çips, i shijon dhe nga goja i kthen sërish në qese – videoja që ka irrituar miliona njerëz

  • E.K /
  • 07 dhjetor 2021 - 15:25
Hap qesen me çips, i shijon dhe nga goja i kthen sërish në qese – videoja që ka irrituar miliona njerëz

Se diçka nuk është në rregull me persona të caktuar e dëshmon më së miri fakti se për pesë minuta famë në rrjete sociale, nuk zgjedhin mjete për ta arritur këtë.

Rasti më i ri tashmë ka irrituar miliona njerëz në mbarë botën, e thuhet se një vajzë disa ditë më parë kishte shëtitur nëpër një market, duke hapur qesen me patate të skuqura, që i kafshoi dhe më pas i pështyu duke i kthyer në qese dhe vendosur në dollap.

Sikur kjo të mos mjaftonte, ajo nuk u ndal me kaq – vazhdoi të konsumon pijet joalkoolike të cilat më pas i ktheu nëpër rafte.

Ndërkohë është zbuluar se ku është kjo vajzë, e në Twitter përdoruesit kanë shkruar se ajo është frizere dhe se shëtitjen nëpër market e ka cilësuar si “shaka”, dhe se të gjitha produktet e përdorura në fund i ka blerë.

E nëse vërtetë këtë e ka bërë nuk ka ndonjë konfirmim zyrtar, por ndërkohë ajo ka mbyllur të gjitha profilet në rrjetet sociale. 

(Kosova Sot Online)