Ende s'e lëshon fronin

Doutzen Kroes i ka 'varë' krahët megjithëse shkëlqen përkrah engjëllushëve aktuale, Josephine Skriver dhe Sara Sampaio

Ajo arriti famën gjatë viteve si engjëllushe te brendi "Victoria's Secret Angel" para se të pensionohej nga krahët në vitin 2016. Dhe, përderisa Doutzen Kroes mund të jetë jashtë pistave me brendin e saj "VS", ajo ende e di si t'i ngritë temperaturat derisa kishte arritur te "Fashion Awards 2018" në partneritet me "Swarovski", përkrah engjëllusheve aktuale, Josephine Skriver dhe Sara Sampaio. Supermodelja 33 vjeçe ka rrezatuar në tepihun e kuq, e veshur me një fustan të drejtë me ngjyrë të zezë, që kishte disa detaje të tejdukshme me pika-pika. Bukuroshja holandeze ka mahnitur me detajin e rrudhosur përreth belit, derisa fustanin e saj e kishte kombinuar me një palë taka të zeza. 

(Kosova Sot)