Nga kërcimi me Xhensilën te torta me domate, Ija e Bes Kallakut festoi 80-vjetorin e lindjes
Gjyshja e aktorit të njohur të humorit, Bes Kallaku, Ija ka festuar mbrëmë 80-vjetorin e lindjes.
E sigurisht që Besi e ka festuar ditëlindjen e gjyshes së tij ashtu siç i ka hije. Ai e ka surprizuar Ijen me një festë të madhe për ditën e saj të veçantë.
Aktori i humorit ka publikuar në profilin e tij në “Instagram”, foto e video nga super festa, ku ai shfaqet duke kërcyer e kënduar me gjyshen e tij.
Ndërkohë në sfond shfaqet një mur plot trëndafila ku shkruhet mosha e Ijes, e cila duket tejet në formë edhe pse 80 vjeçe.
“Ija ime, shpirti im i butë, luledelet e mia, natyra ime, thjeshtësia ime, kripa e bukës time, Perëndesha e femijërise time, urime 80-vjetorin. Të dua sa 100 diej. Lavdi Zotit të kemi në formë”, shkruan Kallaku bashkëngjitur me postimet në “Instagram”.
Gjithashtu nga postimet e vesit vihet re Ija teksa kërcen me Xhensila Myrtezajn, e cila shfaqet e veshur me një fustan bojëqielli dhe makijazh natyral.
Edhe torta e ditëlindjes së Ijes ishte shumë e veçantë, ku dukej si një kopsht me domate dhe kastravecë, fiksimi i Besit.
Kujtojmë gjithashtu se Ija është një ndër gjyshet shqiptare më të famshme të “Instagram”-it dhe kjo falë Besit.
(Kosova Sot)
