Jeta në luks e Luana Vjollcës larg televizionit, fitimet nga biznesi dhe bashkëpunimet VIP në muzikë
Pas përfundimit të sezonit televiziv me programin “Shiko kush luan”, prezantuesja Luana Vjollca tani po shijon luksin e udhëtimeve në destinacionet më të shtrenjta të botës, nisur nga postimet që bën në “Instagram”.
Miqtë e afërt konfirmojnë se ajo ia ka dalë, pasi angazhimet e saj larg televizionit janë mjaftueshëm fitimprurëse, me fustanet e shitura nga biznesi, ndërkohë që po përgatitet për klipin e radhës, që do të jetë një bashkëpunim.
Një ditë më parë, Luana nëpërmjet disa postimeve në profilin e saj në “Instagram” zbuloi se është duke punuar për një projekt të ri muzikor. Madje, ajo i ka bërë të gjithë kuriozë rreth personit me të cilin do të bashkëpunojë, duke shpallur të hapur një kuic për të parë se kush nga ndjekësit do i bjerë në kokë me emrin e bashkëpunëtorit, me të cilin ajo ka realizuar duetin e radhës.
Moderatorja ka publikuar një foto, ku krahas saj pyet ndjekësit e shumtë se me kë mendojnë ata që do realizojë këngën e re. Foton e ka shoqëruar me një emoji bombë, duke lënë të kuptohet se dueti do të jetë një bombë e vërtetë.
Ndërkohë, moderatorja në video dhe në foto shfaqet seksi e veshur me të bardha dhe kaq ka mjaftuar që të marrë shumë komplimente edhe nga kolegë të televizionit. Pas bashkëpunimeve me kunatin, Getoar Selimin dhe Bujar Qamilin, të gjithë fansat janë vënë në kërkim të zbulimit të emrit të artistit që Luana po e mban sekret.
Mes emrave të përmendur prej tyre, në komente përmenden dhe emrat e Getoarit dhe Bujarit si mundësi, duke supozuar edhe për këngëtarë si; Fatmira Breçani, Ylli Limani, Capital T, Fifi, Flori MUmajesi, Nexhmije Pagarusha, Tayna, Majk, Young Zerka, Bruno, Sinan Hoxha, Robert Berisha, motrat Mustafa, Fero, Gena, Sabri Fejzullahu, Noizy, Stine, etj..
Ka pasur nga ata që e kanë ngacmuar, duke imagjinuar se ajo po bashkëpunon me ish-in Adrian Gaxha dhe të tjerë që ka bërë shaka, duke fantazuar pjesë të duetit të saj edhe politikanë, si Kryeministri, Edi Rama apo Ramush Haradinaj. Në muajin shkurt vëmendja e medias u kthye më shumë te Luana për stilin e saj të jetës, pikërisht pushimet luksoze në Maldive për Shën Valentin, në një resort vilash 650 $ nata.
1 vit muzikë dhe biznes për Luana Vjollcën, si hyri në tregun e parave
Gati një vit më parë, Luana Vjollca e mori seriozisht muzikën për të fituar para prej saj, ndërkohë që i dashuri Krenar Çoçaj e mori nën menaxhim për ta kthyer muzikën e saj në biznes fitimprurës.
Ndonëse një çift që asnjëherë s’e konfirmoi lidhjen, prezantuesja Luana Vjollca dhe menaxheri i VIP-ave nga Kosova, Krenar Çoçaj, e pranuan deri diku verën e kaluar publikisht në “Instagram” me një shkëmbim komentesh të nxehta. Luana do të performonte në Ulqin dhe Krenari i komentonte se duhet të njoftonin zjarrfikësit, pasi pritej ta ndizte flakë atmosferën.
As Luana nuk vonoi t’i përgjigjej duke i shkruar: “Thirri ti!”, duke e zyrtarizuar kështu atë në postin e menaxherit që do t’i sjellë jo vetë famë, por edhe më shumë data koncertesh e fitime. Përveç roamancës, të dy kanë pasur si qëllim futjen fuqishëm të Luanës në tregun muzikor me klipe dhe koncerte.
Për herë të parë, dyshimet se Luana kishte nisur romancë të re dashurie me mikun e ngushtë të reperit Getoar Selimi u hodhën në 10 korrik të para tre viteve kur ajo dhe Krenari festuan 28- vjetorin e tij në Santorini. Hera e fundit që Luana e konfirmoi në një farë mënyrë lidhjen me Krenarin, ishte në emisionin e saj kur tha se u qante hallin atyre që kishin lidhje në distancë, pasi edhe ajo vetë udhëtonte fundjavave për të takuar të dashurin.
(Kosova Sot Online)
