Hakeri e kërcënon me fotot topless, Bella i publikon në rrjetet sociale

Një haker ka kërcënuar aktoren Bella Thorne se do ti publikonte disa foto të saj personale.

Por Bella vendosi të mos binte pre e shantazhit dhe i publikoi vetë fotot topless.

21-vjeçarja mori situatën në duar pasi një haker i mori fotot.

Ajo publikoi në llogarinë e saj në Twitter fotot e mesazheve, ku shantazhuesi i kërkon para në këmbim të mos publikimit të fotove.

“Jam kërcënuar me fotot e mia nudo. Ndihem e brishtë. Ndihem sikur dikush mori diçka prej meje që unë dëshiroja ti shikonte vetëm një person i veçantë,”-tha aktorja.

Ndërsa më pas shtoi: “Për një kohë të gjatë e lashë të përfitonte nga unë vazhdimisht. Dhe vendosa ti publikoj sepse nuk dua që të marrësh asgjë tjetër nga unë. Tani mund të fle e qetë duke ditur se mora fuqinë time mbrapsht.”

Thorne përfundoi mesazhin e paralajmërimin për hakerin duke thënë: “FBI do jetë në shtëpinë tënde.”

(Kosova Sot Online)