Nuk ka më kohë për të humbur, Linda Halimi ndërton një palestër në shtëpi

21 June 2019 - 10:59

Linda Halimi surprizoi të gjithë fansat kur dha lajmin se ishte bërë mama për herë të parë. Pak muaj pasi lindi vajzën e saj, Linda zbuloi se kishte humbur shumë kilogramë dhe tani, ishte kthyer në formën e saj të mëparshme.

Për të qenë pranë Kaimana-s, këngëtarja shqiptare ka menduar t’i shtojë shtëpisë së saj një dhomë posaçërisht për t’u ushtruar dhe këtë e ka zbuluar me disa foto që ka publikuar në ‘Instastory’. “Kush dëshiron të bëjë palestër në shtëpinë time?”, ka shkruar Linda në video, ku tregon veglat e reja të palestrës, e cila duket se ka përfunduar.

Ajo gjithashtu ka publikuar disa video ku shfaqet me veshje sportive, duke bërë aktivitet fizik. Mesa duket, kjo është një strategji e mirë e këngëtares për të mos u larguar nga shtëpia, por në të njëjtën kohë të mos humbasë më shumë kohë.

Kujtojmë se pak kohë më parë, Linda zbuloi se një nga dhomat në shtëpi e kishte kthyer në studio muzikore, për të vazhduar me projektet e saj. Vetëm një ditë më parë, këngëtarja paralajmëroi këngën e saj më të re, që do të publikohet së shpejti.