U martua apo jo? Këngëtarja shqiptare sapo sqaroi dasmën e saj që çmendi rrjetin
Pak ditë më parë, këngëtarja me famë botërore Bebe Rexha, i habiti të gjithë teksa publikoi në “Instagram”-in e saj një video ku shfaqej me vello dhe fustan nusërie.
“Dita më e bukur e jetës sime! M’u desh ta mbaja super private. Më shumë foto dhe video së shpejti. Ju dua të gjithëve!”, shkruante këngëtarja me origjinë shqiptare krahas videos, që bëri të gjithë të dyshonin nëse ishte martuar vërtetë, apo ishte pjesë e ndonjë projekti.
Por ajo nuk e la më kaq, pasi publikoi edhe një foto ku tregonte partnerin me të cilin po martohej dhe të gjithë i bëri të besonin se dasma ishte e vërtetë.
Por kjo nuk është aspak e vërtetë dhe mesa duket gjithë këtë e ka bërë për të tërhequr vëmendje, pasi nga videot e publikuara së fundmi, zbulojnë se ata janë shkëputur nga klipi më i ri i këngëtares.
“Harder” është videoklipi më i ri që Bebe ka publikuar ditën e sotme dhe në të shfaqet edhe “partneri” i saj që e zbuloi më herët.
“Më falni nëse ua hodha, por ishte shumë qejf. Dëshiroj të bëj përsëri (ndoshta)”, shkruan Bebe bashkëngjitur me videon që ka publikuar në profilin e saj në Instagram”.
(Kosova Sot Online)
