Label-i gjerman në të cilin bën pjesë Loredana dyshohet për blerje klikimesh në shifra të mëdha
Reperja nag Ferizaj, Loredana Zefi, u vu sërish në qendër të vëmendjes së mediave zvicerane dhe ato gjermane.
Teksa Gazeta “Tages Anzeiger” i ka dedikuar një artikull biografik, ku përmend gjithçka nga suksesi e deri te akuza për mashtrim nga një çift zviceran, duket se po e njëjta gazetë, në një artikull të publikuar së fundmi ka përmendur mënyrën se si reperët gjermanë “blejnë” suksesin me klikime të rrejshme, me çka renditen në top-lista si të parët në Gjermani, Zvicër dhe Austri.
Një ndër label-et që akuzohet për diçka të tillë është edhe Groove Attack – ai në të cilin bën pjesë Loredana.
“Gjithsej 46 milion klikime për këngën “SONNENBRILLE” të rep-artistes Loredana figurojnë në kanalin YouTube. Katër hitet e saj të fundit deri më tani regjistrojnë më shumë se 130 milion transmetime në Spotify, dhe 1.5 milion abonentë vizituan kanalin e reperes në YouTube muajin e kaluar. A mund të jetë e vërtetë kjo? Që nga e enjtja, ka dyshime të mëdha për numrat e tillë të transmetimit: Një kolektiv hulumtues i mediave rinore të ARD-së në Gjermani ka publikuar një raport në YouTube, sipas të cilit, është e mundur që të fryhet suksesi me klikime për ta shndërruar këngën në hit”, shkruan “Tages Anzeiger”, transmeton Telegrafi.
“Unë mund t’ju bëj yll”, thotë një haker anonim, i cili fsheh fytyrën e tij nën një maskë të zezë, teksa prezantohet me nofkën “Kai”.
Pak më shumë se njëqind milion njerëz jetojnë në Zvicër, Austri dhe Gjermani. A ka ndonjë numër realist të një audience gjermane rreth 46 milionë sosh? Kjo pyetje shtrohet edhe në platformat llogaritëse të numrave në internet, duke pasur parasysh efektet e klikimeve të reperëve gjermanë, klipet e të cilëve kapin deri në 100 milionë klikime brenda një kohe shumë të shkurtër.
Hakeri anonim me nofkën “Kai” që demonstroi blerjen e klikimeve që bëjnë artistët gjermanë dhe zviceranë (Quelle: Y-Kollektiv/YouTube)
“Si është e mundur që për 14 ditë, 80 për qind e gjermanëve ta dëgjojnë këtë këngë”, thotë përgjatë videos hakeri anonim, referuar një prej këngëve hit të reperes shqiptare, Loredana Zefi.
Por ai mesa duket tha se e di përgjigjen: “Kjo mund të bëhet e mundur me popullin tim gjerman që e krijova”, thotë Kai (hakeri anonim).
Ai thotë se kishte shtyrë me këtë “sukses të rrejshëm” plot pesë artistët më të mëdhenj në Gjermani, edhe nëse ata nuk e dinë atë”, por menaxherët e tyre do ta dinin.
Më pas, Kai filloi të përmend disa emra, një prej të cilëve ishte ndërmarrja e madhe gjermane e shpërndarjes së muzikës, Groove Attack, label ky në të cilin bëjnë pjesë rep-artistët si Loredana dhe Mero.
Në Groove Attack, Loredana është nën kontratë që nga shkurti i vitit 2019.
Ky label mohon që të ketë manipuluar ndonjëherë me numrin e klikimeve, teksa në një dkklaratë për media janë shprehur: “Groove Attack bën të qartë se ne kurrë nuk kemi blerë klikime ose përpjekje të tjera manipulim”. Ishte “e trishtueshme” të shihje artistë tan të merituar që supozohen për sukses të manipuluar”.
Kompania nuk dëshiron të japë informacione të mëtejshme, gjithashtu për Loredana ka refuzuar të flasë rreth kësaj teme.
Dëshmi se Groove Attack dhe artistët e saj kanë manipuluar numrat e tyre të klikimeve, Kai merr reperin e ri Mero, me të cilin Loredana bashkëpunoi së fundmi. Ai ka kontratë që nga muaji maj me labelin Groove Attack.
“Dy minuta pas publikimit të këngës “Ohne Sinn”, ai ka 89 shikime në YouTube – dhe 3299 pëlqime dhe 435 komente. Diçka nuk shkon këtu. Pas shtatë minutash pasi videoja u hodh në internet, ajo ishte tashmë mbi 30,000 herë e shikuar dhe e komentuar mbi 12,700 herë. Në jo më shumë se 24 orë, kënga u rendit e para në “Top këngët trend” në YouTube”, shpjegon anonimi.
Kai vazhdoi të tregojë se si një haker i zoti, në këmbim të 50 mijë eurove, mund të sigurojë që kënga të arrijë majat e top listave në Zvicër dhe Gjermani, me anë të klikimeve robotike.
Por a është me të vërtetë e mundur të falsifikohen tabelat e renditjes së këngëve përmes manipulimeve transmetuese? GfK Entertainment, e cila përpilon paradën e hiteve zvicerane për Shoqatën e Etiketimeve Zvicerane të Muzikës, merret çështje të tilla, incidente dhe shënime “shumë serioze”.
“Ne bëjmë çdo përpjekje për të zbuluar manipulimet dhe t’i kundërveprojmë ato në një mënyrë të synuar. Rastet e dyshimta shkaktohen menjëherë nga një proces gjithëpërfshirës i rishikimit”, kanë thënë ata në përgjigje për gazetën gjermano-zvicerane “Tages Anzeiger”.
(Kosova Sot Online)
