Nga Hailey e veshur nuse tek detajet e dasmës, dalin pamjet nga ceremonia e çiftit Bieber
Një vit më parë, këngëtari i njohur Justin Bieber dhe partnerja e tij, Hailey Baldwin, u kurorëzuan në fshehtësi me martesë, duke na habitur të gjithëve. Gjithçka mes tyre ndodhi shumë shpejt dhe askush s’e priste ta shihte dyshen të martohej sa hap e mbyll sytë.
Mirëpo, pavarësisht “nxitimit” apo problemeve të shumta në marrëdhënie, Justin dhe Hailey ia kanë dalë ta mbajnë gjallë dashurinë e tyre. Këtë fundjavë, ato kanë zhvilluar në Karolinën e Jugut ceremoninë e martesës, të cilën nuk e kishin bërë ende pas kurorëzimit.
Në rrjet janë publikuar pamjet e para nga dasma, megjithëse çifti është munduar të tregohet sa më diskret për këtë pjesë. Hailey ka shkëlqyer e veshur nuse, teksa mbante një vello mbi flokët e mbledhura.
Justin kishte veshur një kostum të zi, duke u kombinuar më së miri me partneren. Miqtë e çiftit kanë publikuar në rrjete sociale detaje nga dasma, e cila ishte e gjitha e personalizuar.
Në fund të mbrëmjes, Hailey veshi një xhaketë lëkure, në shpinën e së cilës shkruhej “Nusja”. Gjithashtu, shishet e shampanjës e çdo pije tjetër, mbanin emrin e Hailey-t dhe Justin-it.
(Kosova Sot Online)