Pas martesës nisin problemet? Hailey-n po e shqetëson pak si shumë kjo gjë tek partneri!
Në fund të muajit shtator, këngëtari Justin Bieber dhe modelja Hailey Baldwin, mbajtën ceremoninë e martesës së tyre në Karolinën e Jugut.
Ata organizuan një dasmë madhështore ku mblodhën personazhe të shumtë VIP, ndërsa nuk vonuan të publikoheshin në rrjet edhe foto nga festa.
Vetë çifti ndau me ndjekësit në Instagram pozat e tyre si nuse e dhëndër dhe gjithçka ishte në dukje perfekte.
Mirëpo, pas dasmës duket se kanë nisur probleme për çiftin.
Burime pranë Justin dhe Hailey-t kanë treguar për “Radaronline.com” se Hailey po fillon të shqetësohet shumë për paranë e pakontrolluar që këngëtari shpenzon.
“Justin jeton si një princ. Ai dëshiron që gjithçka të jetë jashtëzakonisht e shtrenjtë, ose nuk është i lumtur,.Sigurisht ai fiton shumë, por shpenzimet e tij të fundit kanë qenë të jashtëzakonshme. Ai ka blerë një mori pronash kohët e fundit dhe vazhdimisht po shpenzon pasuri në bizhuteri, rroba, makina dhe gjithçka që sheh në internet që i duket tërheqëse.
Asaj i pëlqen sa zemërgjerë dhe impulsiv është ai, por disa nga blerjet e tij kohët e fundit kanë qenë qesharake.”- ka rrëfyer burimi.
Madje, Hailey është shqetësuar shumë edhe për gjendjen mendore të partnerit, pasi së fundmi ai ka nisur të sillet si një adoleshent.
Justin e kalon kohën duke i bërë rrengje Hailey-t, ndërsa kjo e fundit s’po ndihet aspak mirë nga kjo situatë.
(Kosova Sot Online)
