A do jetë Luana Vjollca prezantuesja e re e 'Big Brother Albania 10'! - ja çfarë thotë Arbana

Pas mbarimit të sezonit me emisionin 'Shiko kush luan', modertaorja dhe këngëtarja e famshme Luana Vjollca, është gati ta marrë përsipër moderimin e një reality shou siç është "Big Brother Albania 10", shkruan gazeta "Kosova Sot Online".

Edhe pse ende asgjë nuk është zyrtare, në media po proklamohet se prezantuese e këtij shou këtë vit do jetë Luana Vjollca.

Lidhur me këtë çështje ka reaguar modertaorja e disa edicioneve të "Big Brother Albania" - Arbana Osmani.

 

Moderatorja Arbana Osmani ka folur për herë të parë për rikthimin në drejtimin e reality-show “Big Brother” pas fjalëve se Luana Vjollca do të ishte pasardhësja e saj. E pyetur nga ndjekësit në Instagram, Arbana ka treguar se formati do të rikthehet me shumë mundësi vitin që vjen por ende nuk është caktuar moderatorja. Megjithatë ajo nuk e ka mohuar fare si mundësi që të jetë ajo sërish në drejtim të emisionit.

PYETJA: Po “Big Brother” nuk do ketë më nga ty, na mungon ai format me ty në krye!
Arbana Osmani: Pyetja e jetës (as si je nuk më është bërë kjo pyetje) Big Brother do ketë, por jo këtë vit. Më vjen mirë që ky program kërkohet kaq shumë dhe uroj me gjithë zemër që Top Channel të mund ta sjellë vitin që vjen. Por mos më pyesni që tani nëse do të jem unë prezantuesja sepse pas një viti nuk e di çfarë do ndodhë…Ajo që di më siguri është që Top Channel si gjithmonë do bëjë zgjedhje të shkëlqyer! Kohët e fundit ka qënë Luana Vjollca ajo që është përfolur si moderatorja e re e “BBA” për shkak të një deklarate që ajo bëri në emisionin e saj.

(Kosova Sot Online)