Estrada kujton Jasharët e rënë për liri
Është një nga ngjarjet më të rëndësishme të historisë kosovare, prandaj, nuk harrohet nga askush, e as nga fytyrat publike.
Sot është shënuar 22-vjetori i Epopesë së Ushtrisë Çlirimtare të Kosovës.
Më datë 5, 6 dhe 7 mars kujtohet rënia historike e familjes Jashari në Prekaz të Skenderajt, familje kjo e cila u vetëflijua për liri në trazirat e luftës së vitit 1998, me këtë rast u mbajt seancë e veçantë në Kuvendin e Kosovës.
Një datë si kjo është kujtuar nga të gjithë, nuk kanë munguar reagime edhe nga emra të njohur të estradës të cilët zgjodhën llogaritë e tyre në rrjete sociale për ta bërë këtë.
Në vazhdim ua sjellim disa postime të emrave të njohur të cilët e kanë kujtuar rënien historike të Adem Jasharit dhe familjes së tij.
(Kosova Sot Online)