“U frikësova dhe pata dhimbje”- Ëngjëlli i Victoria’s Secret shtrohet në spital me koronavirus: Kisha vështirësi në frymëmarrje, humba aftësinë për të folur
Ëngjëlli i Victoria’s Secret, Alexina Graham u ka kërkuar njerëzve që të qëndrojnë në shtëpi pasi u shtrua në spital me koronavirus.
Modelja britanike në një postim në Instagram foli për përvojën e saj ndërsa i shprehu mirënjohjen motrës së saj gjatë sëmundjës së rëndë.
“Motra e vogël kujdeset për motrën e madhe. Faleminderit motër”– shkroi Alexina.
Dhe më pas shtoi: “U frikësova, pata dhimbje dhe nuk e dija se çfarë do të vinte, por ti u kujdese për mua, më mbajte, më fshive lotët e mi dhe ke qenë aty në çdo moment. Kur nuk mund të ishe me mua në spital, ishe në telefon. Familja, mikja dhe infermierja ime më e mirë. Të dua.”
Alexina vazhdoi t’i nxisë njerëzit të respektojnë rekomandimet për të qëndruar brenda duke u shprehur: “Dita 5 dhe unë po forcohem si edhe po ndihem mirë çdo ditë. Ju faleminderit për dashurinë dhe mbështetjen tuaj. Ishte forca ime. Disa njerëz nuk po e marrin seriozisht këtë. Shoh në lajme që grumbullohen, madje bëjnë edhe festa në shtëpi. Ju lutem qëndroni në shtëpi të izoluar.”
Më pas modelja përshkroi përvojën e saj të tmerrshme: “Është e frikshme. Ditën e parë kisha ethe dhe më pas të dridhura. Kisha vështirësi në frymëmarrje, humba aftësinë për të folur, mushkëritë e mia nuk më lejonin, kraharori im u ngushtua, nuk isha në gjendje të shkoja vetëm në tualet, më duhej ndihmë. Madje edhe kur haja ishte e dhimbshme. Ju lutemi merrni seriozisht këtë dhe ju lutemi qëndroni në shtëpi. Qëndroni të sigurtë.”
Alexina mori pjesë së pari në Victoria’s Secret Fashion Show në 2017 dhe u bë një ambasadore e markës Angel në vitin 2019.
(Kosova Sot Online)