Ishte shtruar në spital dhe merrte frymë me respirator, këngëtari i njohur vdes nga koronavirusi në moshën 52 vjeçare
Adam Schlesinger i grupit të popit Fountains of Wayne ka vdekur në moshën 52 vjeçare nga koronavirusi.
Këngëtari ndërroi jetë në një spital në New York, konfirmoi avokati i familjes së tij.
Ai po trajtohej për COVID-19 dhe merrte frymë me anë të një ventilatori.
Këngëtari fitoi çmime Emmy dhe Grammy për punën e tij në kolonat zanore të filmave Crazy Ex Girlfriend dhe A Colbert Christmas.
“Shoku im i dashur Adam Schlesinger ka ndërruar jetë nga COVID-19,”– tha Chris Carrabba i grupit Dashboard Confessional.
Ndërsa më pas shtoi: “Duhet ta marrim seriozisht këtë. Njerëzit po sëmuren dhe po vdesin. Është e vështirë të qëndrosh mbyllur por jetët duhet të shpëtohen. Kujdesuni për njëri-tjetrin. U prehsh në paqe, miku im i dashur.”
(Kosova Sot Online)